С. Баишев ат. Университетте АИТВ-инфекциясының алдын алу тақырыбында студенттерге арналған дөңгелек үстел өтті

Іс шара барысында АИТВ жұқтыру жолдарымен, алдын алу шараларымен, өз денсаулығына жауапкершілікпен қараудың маңыздылығымен және уақтылы тестілеумен байланысты өзекті мәселелер талқыланды. Қатысушыларға АИТВ-мен өмір сүретін адамдарға қатысты мифтерді жоққа шығаруға және стигманы азайтуға бағытталған сенімді ақпарат ұсынылды.

Мұндай іс-шараларды өткізу жастардың денсаулық мәселелеріне саналы және жауапты көзқарасын қалыптастыруда маңызды рөл атқарады, сондай-ақ АИТВ-инфекциясының алдын алу бойынша студенттердің хабардар болу деңгейін арттыруға ықпал етеді.